Paano nga ba magumpisa magaral ng gitara?

Sa mga gustong matutong maggitara, ito ang katanungan na madalas mahirap hanapan ng kasagutan..

Ngunit, paano nga ba magumpisa?
Maraming mga bagay ang dapat isaalang-alang bago magumpisa magaral ng gitara bagamat hindi ito limitado sa aking babanggitin sa ibaba. Tandaan ang mga bagay na ito ay hindi lang ang natatanging paraan, marami pang mga bagay ang pwedeng ikunsidera depende sa tao at personalidad ng magaaral ng gitara.

Ito na ang aking listahan at mga katanungan na  sanay magsisilbing gabay sa mga Pilipino na nais magaral ng gitara ngunit hindi alam kung papano magsisimula.

1. Bakit ka nga ba magaaral ng gitara?

Ito ang katanungan na dapat meron ka ng kasagutan. Kung wala naman, pwede mo pang pagisipan. Iba-iba ang bawat isa ng dahilan kung bakit gustong magaral ng gitara. 'Yong iba gustong maglibang, pampalipas oras, para kumita, gustong bumuo ng sariling banda, merong din ibang para lang magyabang :) at marami pang iba. Kung wala sa nabangit ang iyong dahilan, okay lang yan basta ikaw mismo alam mo sa sarili mo kung bakit.

2. Kumakanta ka ba?

Kung oo. Marunong ka lang ba? o magaling ka talaga?

Marahil maiisip mo anong connect ng pagkanta sa paggigitara?

Ito ang sagot.Dito mo malalaman mung anong style ng paggigitara ang  pwede mong gawin base sa abilidad mong kumanta. Ipapaliwanag ko ng mas mainam sa aking mga susunod blog.

3. Anong style ng paggigitara ang gusto mo?

Una, kung ikaw ay hndi talaga nabiyayaan ng talento sa pagkanta, wag kang magalala baka sa pagigitara ka talaga dapat at hindi sa pagkanta. Pwede kang maging isang magaling na rhythm guitarist, lead guitarist o maging bass guitarist sa isang banda. Di kaya ay maging isang acoustic guitarist na fingerstyle ang banat. 'Yong tipong gitara ang kumakanta para sa iyo.

Pangalawa, kung ikaw eh marunong kumanta ngunit hindi nabibiyaan ng sobrang kagalingan, pwede mo paring gawin ang lahat ng nabangit sa taas. pwede mo ding sabayan ng pagbaback up vocals kung nasa banda ka. At pwede mo ring subukang maging solo performer gamit ang acoustic guitar. Sa style na ito, marami kang dapat pagaralan na istilo tulad ng strumming, fingerstyle (Plucking) at hybrid style.

Pangatlo, kung ikaw at ubod ng galing sa pagkanta at nais mong gamitin ang pagigitara upang suportahan ang iyong pagkanta, maari kang magfocus sa acoustic guitar para maging isang solo performer. O di kaya pwede mong pagaralan ang kahit anong posisyon ng nabangit sa taas kung ano man ang nais mong gawin.

4. Anong uri ng gitara na dapat pagaralan base sa iyong istilo at posisyon na gusto mo?

Acoustic Guitar- a Ito ay para sa lahat, marunong o hindi man marunong kumanta. Ito ang pundasyon ng paggitara. Mas mabuting magumpisa sa acoustic guitar bago magtransition sa ibang uri ng gitara.
Kung bakit? ipapaliwanag ko sa aking susunod na blog.

Electric Guitar- Mas madaling magaral sa electric guitar subalit kailangan mo ng iba pang gamit tulad ng amplifier, cords at iba pa.Kung bakit mas madali? Ipapaliwanag ko sa aking susunod na blog.

Bass Guitar- Electric or acoustic halos walang pinagkaiba. Kung gsto mong magconcentrate sa pagaaral ng bass guitar nang hindi ngaaral sa acpustic or electric guitar ng basic chords and notes, nasasayo na yon. Subalit mas okay kung magaral  ka muna ng acoustic guitar. Kung bakit? ipapaliwanag ko sa aking mga susunod na blog.

Classical Guitar- Ito yong gitara na nylon ang strings. Ibang style ang pagtugtog ng classical guitar subalit sa atin sa Pilipinas ginagawa nating katulad ng sa steel acoustic guitar lng din. Sa susunod na blog ipapaliwanag ko pa ng husto.

5. Handa ka bang maglaan ng oras sa pageensayo?

Kung araw araw kang makakapagensayo ng 15 to 30 minuto malaking bagay na ito. Subalit kung nais mpng maging mas bihasa kailangan mong gumugol ng madaming oras sa pageensayo ng tama.. Oo, pageensayo ng tama.. abangan sa susunod na blog kung ano an ibig kung sabihin.


6. Sino ang magtuturo sa iyo?

Self study gamit ang youtube? walang problema maraming materials sa youtube at iba pang internet content and pwedeng magturo sa iyo.

O di kaya si papa? si kuya? kaibigan? bf? gf? o kaya nman ay si lolo? Si lola? Kahit sino basta may alam sa gitara kahit simpleng chords at nota. Okay na.

7. Magkaroon ka ng inspirasyon.

Hindi kinakailangan bf or gf. Kahit sinong gitarista na kilala mo. Mapa foreign or local, yong tipong gusto mong gayahin yong style niya. Makakatulong to upang mas sipagin ka magensayo.
 




Ayan ang 7 na aspeto para mkapagumpisa ka maggitara. Laging tandaan, ang paggigitara ay hindi madali. Kailangan ng  maraming pagtyatyaga sa libo-libong oras na kailangangan gugulihin sa pageensayo.

Pero maniwala kayo basta may tiyaga mag nilaga. Pagdating ng panahon aanihin niyo ang bunga ng pagtyatyaga.

Sa Oras na maisipan mong gusto mo nang sumuko, magpahinga lan sakmglit at manood ng mga bidyo ng mga gitaristang gusto niyo.

Kung may pambili ka ng gitara bumili kna kahit hindi mamahalin basta desente okay na. Kung wala naman mang hiram na lng muna. Yon nga lan limitado oras ng ensayo mo.

Salamat ng marami. Hangang sa muli mga kagitara.!!